“Dat ass et wat ech maache wëll !”
Ech sinn den Dino De Cecco
Nodeems ech als Schüler an der Vakanz um Bau gejobbt hunn, ass mir direkt bewosst ginn « dat do ass wat ech maache wëll ! ».
De Beruff vum Plätterchersleeër huet mech besonnesch faszinéiert well sech hei Bau-Handwierk an Design matenee vermëschen.
Meng Spezialitéit sinn aussergewéinlech Plättercher a Buedzëmmer.
1992 hunn ech de Meeschterbetrib „Carrelages Dino De Cecco“ gegrënnt.
Rose De Cecco – Quereinsteigerin
Meng Fra ass vu Beruff Zänntechnikerin an huet sech no onser Hochzäit decidéiert mat mir zesummen de Betrib ze leeden.
Haut këmmert si sech em d’Clienten, mécht déi ganz Administratioun, de Planning, an d’Bestellungen.
Et gëtt keng Plaz an der Firma wou si net ze fannen ass.
Zefridde Mataarbechter si mir ganz wichteg
“Bauaarbecht ass haart. Naass a kal. Waarm a stëbseg.
Et ass eng Erausfuerderung aus enger stëbseger Baustell eng flott Wunneng ze maachen.
Just duerch eng motivéiert Equipe ass et méiglech Handwierk a Berodung op esou engem Niveau unzebidden.
Ech ka mech haut op meng Equipe vun 20 Top-Mataarbechter verloossen.”
Montini Tiles Collection
Dreamed in Luxembourg – Made in italy
Faszinatioun fir Design an dat stännegt Sichen no Aussergewéinlechem huet dozou gefouert dass mir eis eege Plätterchersmarque “Montini Tiles Collection” kreéiert hunn.
Montini Plättercher ginn exklusiv an Europa produzéiert a si mam Label “Green-Building-Council” oder mam “EU Ecolabel” ausgezeechent ginn.
Des Plättercher ginn an hëlze Mehrweg-Këschte geliwwert, sou dass mir bei der Verpackung komplett op Plastik verzichten.
Vill vu menge Plättercher verkafen ech an Däitschland an an der Belsch.
E puer sinn der och bis a Spuenien gereest.
Expo vun 1400 m2
Ons Ausstellung huet u sech näischt mat enger klassescher Plättercherspresentatioun ze dinn.
Eng ausgewielte Selektioun un Top-Produite kënnt dir bei ons groussflächeg kucken.
Komplett Buedzëmmer mat Sanitär, Miwwel, Beliichtung an Accessoirë kritt dir hei ze gesinn.
Wall Design
Charakterstaark Wanddekoratiounen hu mir vun de grousse Foiren zu Bologna, Mailand a Berlin matbruecht. Holz- an Natursteen awer och Tapéiten déi op d’Mooss gemaach ginn – natierlech ëmmer no onsem Motto “Happy to be different”.
Schlësselfäerdeg Buedzëmmer
D’Renovatioun vu Buedzëmmer bidde mir komplett aus enger Hand un.
Vum Plangen iwwert d’Erausrappen bis zum Verleeë vun Elektresch- a Waasserleitungen.
Plätterchersaarbechten, Ustrach a Botzen, bei ons kritt Dir aussergewéinlech Buedzëmmer zu engem Festpräis ugebueden.
Wou fannt Dir eis?
Ons Ausstellung ass Méindes bis Freides op, vun 09:00-17:00 Auer.
Eist Geschäft ass zou:
Freides den 19. Mee 2023
Freides den 23. Juni 2023
7. August 2023 bis den 26. August 2023
21. Dezember 2023 bis den 7. Januar 2024
Oppen Samschdeger vu 9:00 bis 12:00:
22.04.2023, 17.6.2023, 23.9.2023, 14.10.2023, 18.11.2023, 9.12.2023
Händler des Jahres
Vum däitsche Fachzäitschrëft Caro als “Händler des Jahres” gewielt.
Méi liesen…
Best showroom worldwide
Präis fir de beschte Showroom weltwäit.
Méi liesen…